செப்ரெம்பர் | 2007

Updates from செப்ரெம்பர், 2007 Toggle Comment Threads | விசைப்பலகை சுருக்கவிசைகள்

சித்ரன் ரகுநாத் 8:27 am on September 30, 2007 நிரந்தர பந்தம் | மறுமொழி

எளிய முறையில் குடும்ப அட்டை பெறுவது எப்படி?
சென்னையில் எளிதாக எப்படி ரேஷன் கார்டு பெறுவது என்று கற்றுக் கொண்டேன். சென்னைக்குக் குடிபெயர்ந்த புதிதாய் திருமணமான தம்பதிகள் முதலில் ஊரிலுள்ள குடும்ப ரேஷன் கார்டுகளில் தத்தமது பெயர்களை நீக்கி deletion certificate வாங்கி அதை (மறக்காமல் xerox எடுத்துவைத்துக்கொண்டு) புதிய ரேஷன் கார்டுக்கான விண்ணப்பத்துடன் இணைத்து அருகாமையிலுள்ள உணவுப் பொருள் வழங்குதுறை அலுவலகத்தில் கொடுக்கவேண்டும். (brokers excuse) அவர்கள் பதிலுக்குக் கொடுக்கும் ஒரு துண்டுச் சீட்டை எடுத்துக் கொண்டு அதற்கப்புறம் மனைவி home maker-ஆக இருக்கும் பட்சத்தில் ஒரு ஆறு மாதம் அல்லது 2 வருடத்திற்கு சீட்டு கிழிந்து cello tape ஒட்டுகிறவரை உ.பொ.வ.து-க்கு நடையாக நடந்தால், உங்கள் விண்ணப்பம் எப்படியோ தவறிப் போய்விட்டதாக அறிவிக்கப்பட்டு, மறுபடியும் புதிய ரேஷன்கார்டுகளுக்கான விண்ணப்பத்தேதியை அறிவிக்கும்போது வரச்சொல்லுவார்கள்.

மனம் தளராமல் மறுமுறை செல்லும்போது நாம் முன்பு கொடுத்த deletion certificate-களை அவர்கள் பொறுப்பில்லாமல் தொலைத்துவிட்டதை அவர்களுக்கு நல்லமுறையில் உணர்த்தி xerox -ஐ இணைத்து சமாளிக்கவேண்டும். பிறகு மறுபடியும் கிடைக்கப் பெற்ற துண்டுச் சீட்டை எடுத்துக் கொண்டு சுமார் ஒரு வருடம் நடந்தால் ஒரு நாள் நாம் அதிர்ந்து ஆச்சரியப்படும் வகையில் ‘உங்க கார்டு ப்ரிண்டிங்-க்கு போயிருக்கு’ என்று சொல்வார்கள். அதற்கப்புறம் இன்னும் ஓரிரு மாதங்கள் பொறுமையாகக் காத்திருந்தால் அது கிடைத்துவிடுவதற்கான சாத்தியக்கூறுகள் இருக்கின்றன.

ரேஷன் கார்டு அலுவலகத்துக்குள்ளேயே ஒரு குறிப்பிட்ட விவரத்தைப் பெற அலுவலர்கள் மேசைக்கு மேசை அலையவைத்து குடிமக்களுக்கு சகிப்புத்தன்மையை வளர்க்கவும் உதவி செய்கிறார்கள்.

நம் ரேஷன் கார்டு விவரங்களை லெட்ஜரில் பார்த்துச் சொல்லும் பெண் அலுவலர், மனைவியிடம் கார்டு விண்ணப்பத்தில் குடும்பத்தலைவர் பெயரைக் குறிப்பிட்டு அவர் யார் எனக் கேட்பதும், ‘என் கணவர்’ என்று பதிலளித்த மனைவியை ஏற இறங்கப் பார்த்து “ஓ! உங்களுக்கு கல்யாணம் ஆயிருச்சா?” என்று கேட்பதும் கூட சிலசமயம் நடக்கும்.

கவுரவ அட்டை என்று இதைத்தான் குறிப்பிட்டார்களா என்று தெரியவில்லை.

k.shanmugam, பிரதீஷ் குமார், வடுவூர் குமார், and 2 others are discussing. Toggle Comments
- bsubra 10:39 முப on செப்ரெம்பர் 30, 2007 நிரந்தர பந்தம் | மறுமொழி
  
  —விண்ணப்பத்தில் குடும்பத்தலைவர் பெயரைக் குறிப்பிட்டு அவர் யார் எனக் கேட்பதும்,—
  
  வீட்டு சாமான் வாங்கும் பலசரக்கு அங்காடியினுள்ளே வீடியோவும் வாடகைக்கு விடுகிறார்கள். ‘ஆர்’ போன்ற வயது வந்தோருக்கான படங்கள் எடுத்தால் அடையாள அட்டை கேட்பார்கள்.
  
  நான் சாமான்களுக்கு பில் போட்டுக் கொண்டிருக்கும்போதே, என்னுடைய அட்டையை எடுத்துக் கொண்டு படம் எடுக்க மனைவி சென்றிருந்தார்.
  
  ‘உங்க அப்பாவை வரச் சொல்லுங்கம்மா’ என்று திருப்பியனுப்பி விட்டார்களாம் 🙂
- சித்ரன் 12:05 பிப on செப்ரெம்பர் 30, 2007 நிரந்தர பந்தம் | மறுமொழி
  
  நன்றி பாலசுப்ரா.
  ஹா.. ஹா.. இதுவும் நல்ல காமெடிதான்.
- வடுவூர் குமார் 1:48 முப on ஒக்ரோபர் 1, 2007 நிரந்தர பந்தம் | மறுமொழி
  
  ஊருக்கு போய் தான் அப்பளை செய்யவேண்டும்,இது நல்ல சங்கதி- ஞாபகத்தில் வைத்துக்கொள்கிறேன்.
- பிரதீஷ் குமார் 9:38 பிப on ஜூலை 9, 2010 நிரந்தர பந்தம் | மறுமொழி
  
  எனக்கு குடும்ப அட்டை வ்ந்து 3 ஆண்டுகள் ஆகின்றது ஆனால் இதுவரை என் கைக்கு வரவில்லை டி எ ஸ் ஓ அலுவலகத்தில் கேட்டால் இன்னும் வரவில்லை வேறு மனு கொடுங்கள் மீண்டும் புதிய அட்டை வரவைத்து தருகிரோம் என்று சொல்கின்றாற்கள்
- k.shanmugam 5:49 முப on திசெம்பர் 16, 2010 நிரந்தர பந்தம் | மறுமொழி
  
  i have applied before 3 1/2 years but my ration card is not yet ready.
மறுமொழி
கட்டாயமான புலங்கள் * ஆக குறிக்கப்பட்டுள்ளன

பெயர் *

மின்னஞ்சல் *

இணையத்தளம்

Notify me of new comments via email.
புதுப்பதிவுகளை எனக்கு மின்னஞ்சல் மூலம் தெரியப்படுத்து
Δ
சத்யராஜ்குமார் 7:57 am on September 29, 2007 நிரந்தர பந்தம் | மறுமொழி

பள்ளித் தலம்
நேற்று Back to School Night ! செப்டம்பரில் பள்ளிக்கூடம் திறந்ததும் இந்த சம்பிரதாயம் ஒரு சுப முகூர்த்த மாலையில் நடக்கும். பெரிய ஹாலில் ஏழு மணி போல பெற்றோர்கள் திரள்வார்கள். PTA என செல்லப் பெயர் கொண்ட பெற்றோர் ஆசிரியர் சங்கத்தின் (Parents Teachers Association) பட்ஜெட் தாக்கல் இந்த நிகழ்ச்சியின் முக்கிய நோக்கம்.

குழந்தைகளைப் படிக்க வைப்பது, படுக்க வைப்பது (Sleeping vs Education) குறித்த பல பிட் நோட்டீஸ்கள் ஹாலுக்குச் செல்லும் முன் வராந்தாவிலேயே கிடைக்கும். அவற்றை மேய்ந்து முடிப்பதற்குள் கூட்டம் தொடங்கி விடும். முதல்வர் வரவேற்புரை வழங்கின பின் PTA தலைவர் சென்ற வருடத்திய செலவுக் கணக்கையும், இந்த வருடத்துக்கான பட்ஜெட்டையும் விவரிப்பார்.

PTA பள்ளிகளுக்கான டெக்னாலஜி உபகரணங்கள் வாங்கிப் போடுகிறது. குழந்தைகளின் திறமைகளைக் கூர் தீட்ட பல்வேறு After School பயிற்சிகள் நடத்துகிறது. அருங்காட்சியகம் போன்ற இடங்களுக்கு களப் பயணங்கள் ஏற்பாடு செய்கிறது. அரசு பள்ளிகளின் தரத்திற்கும் PTA-வின் பண பலம் மற்றும் செயல்பாடுகளுக்கும் நெருங்கிய தொடர்புள்ளது.

நான் பார்த்த வரை எந்த வித விவாதங்களும் இன்றி கூட்டம் பட்ஜெட்டுக்கு ஒப்புதல் அளிக்கிறது. அதைத் தொடர்ந்து பள்ளி முதல்வர் ஆசிரியர்களை அறிமுகம் செய்கிறார். Back to School Night-ன் Second Half, உங்கள் குழந்தை படிக்கும் வகுப்பறையைப் பார்வையிடுவது.

நீங்கள் வருவதறிந்து மதியமே குழந்தைகள் தத்தம் பெற்றோருக்கு ஒரு வரவேற்புக் கடிதம் எழுதி தனது மேஜையில் வைத்திருக்கின்றன. ஒவ்வொரு பெற்றோரையும் கை குலுக்கி அறிமுகம் செய்து கொண்ட பின், காலை முதல் மாலை வரை உங்கள் குழந்தைகள் பள்ளியில் என்னென்ன செய்கிறார்கள். இந்த வருடம் என்ன கற்கப் போகிறார்கள், எப்படிக் கற்பிக்கப்படப் போகிறார்கள், நீங்கள் வீட்டில் அதற்கு எந்த வகையில் உதவ முடியும் என்பவற்றை ப்ரொஜெக்டரில் ஸ்லைடு ஷோ போட்டு விவரிக்கிறார் வகுப்பாசிரியர்.

குழந்தை, ஆசிரியர் மற்றும் பள்ளி மீது மிகுந்த நம்பிக்கை பிறக்க நீங்கள் வீட்டுக்குச் செல்கிறீர்கள்.

பள்ளியறை « இன்று - Today, Padma arvind, சத்யராஜ்குமார், and 1 other are discussing. Toggle Comments
- Padma arvind 9:56 முப on செப்ரெம்பர் 29, 2007 நிரந்தர பந்தம் | மறுமொழி
  
  Satyaraj
  You can question the budget, and if time permits participate not only in PTA budget, but also school district, County budget meetings. We can offer ideas, sugesttions etc. I do not see any Indians actively participate and discuss what their community needs. In Edison parents come and attend and manage to have day of dewali declared as a schol holiday, include Hindi as a language of choice, got $40,000 allocated to it. I am trying to get as many parents as possible to participate in their home town on these key issues.
- bsubra 12:52 பிப on செப்ரெம்பர் 29, 2007 நிரந்தர பந்தம் | மறுமொழி
  
  மகளின் பள்ளிக்கூட ஆசிரியர் சந்திப்புக்கு சென்றபோது, இசை, உடல்நலம், உடற்பயிற்சி அறைகளைத் தொடர்ந்து ஓவியக்கலை பக்கம் எட்டிப் பார்த்தேன். உள்ளே இருந்த பதாகைகளும், ஆசிரியரும் என்ன சொல்லித் தருகிறோம், எவ்வாறு கற்றுத் தருகிறோம் என்பதை விளககியது. அப்போது கண்ணில் பட்ட போஸ்டர்கள், என்னுடைய வலைப்பதிவு (;)) மனதைக் கொஞ்சம் உறுத்தியது 🙂
  ‘If you can’t say something nice…don’t say nothing at all.” (Thumper’s quote in the movie, “Bambi”)
  “if you don’t understand something, it just means you are jumping to conclusions.” (Something along those lines, forgot the exact words)
- சத்யராஜ்குமார் 5:19 முப on செப்ரெம்பர் 30, 2007 நிரந்தர பந்தம் | மறுமொழி
  
  @Padma: I have visited county public hearing just to get a feel of how constitution system works here. It was not that easy to get approvals as in the school PTA meetings. But it was interesting experience.
  
  @bsubra: “If I don’t tell it all now, the story in the history books will always be imperfect and that would be wrong.” —- For every quote there is an opposite quote ! 🙂
- பத்மா அர்விந்த் 9:01 முப on செப்ரெம்பர் 30, 2007 நிரந்தர பந்தம் | மறுமொழி
  
  Thanks for attending it. I want more more Indians attend these meetings and raise questions as we fall in high tax paying population % vise. January visit your County ofice and get a copy of all freeholders meeting. There will be two meetings with budget presentation. This is on all depts including road development to education. Then study the copy and go for public hearing. It will be very interesting. I am on the otherside usually prepared for public questions on why such an such pool gets 3 M and my kid does not get a decent meal in school or a gym why do you increase tolls and this contract for 3 M goes to the same firm each year etc.
சித்ரன் ரகுநாத் 6:53 am on September 28, 2007 நிரந்தர பந்தம் | மறுமொழி

ஆலங்கட்டி மழை

நேற்று மதியம் தடதடவென இரைச்சலுடன் ஆலங்கட்டி மழை பெய்தது. ரொம்ப நாட்களுக்குப் பிறகு காணக் கிடைக்கிற காட்சி. அலுவலகத்தில் எல்லோரும் அவரவர் வேலையை விட்டுவிட்டு பால்கனிக்கு ஓடி வானத்திலிருந்து கொட்டுகிற ஐஸ் கட்டியைப் பள்ளிக் குழந்தைகளின் உற்சாகத்துடன் பொறுக்க ஆரம்பித்து விட்டார்கள். அடுத்தவரின் சட்டைக்குள் ஐஸ் கட்டிகளைப் போட்டு நெளிய வைத்து சிறிது நேரம் விளையாட்டு தொடர்ந்தது. சில்லென்று உற்சாகம் பிறந்துவிட்டது எல்லோருக்கும். பால்கனித் தாவரங்கள் மழையில் நனைந்து குளிர்ந்து சிலிர்த்தன. தெருவெங்கும் வெள்ளை முத்துக்கள் சிதறிப் பரவின. ஆலங்கட்டி மழையோடு அனைவரின் சந்தோஷக் குரல்களும் கலந்து கரைந்தன.

சாரலில் நனைந்த சட்டையுடன் இருக்கைக்குத் திரும்பினபோது மனது குளிர்ந்திருந்தது.

பி.கு: An official in the climatology section said that Chennai had never recorded a hailstorm – என்று ஹிண்டுவில் போட்டிருக்கிறார்கள்.

J K is discussing. Toggle Comments
- J K 9:07 முப on செப்ரெம்பர் 28, 2007 நிரந்தர பந்தம் | மறுமொழி
  
  ஆமாங்க ரொம்ப சந்தோசமா இருந்தது.
  
  சென்னையில் மழை… அதுவும் ஆலங்கட்டி மழை…