Updates from செப்ரெம்பர், 2007 Toggle Comment Threads | விசைப்பலகை சுருக்கவிசைகள்

  • சத்யராஜ்குமார் 6:38 am on September 27, 2007 நிரந்தர பந்தம் | மறுமொழி  

    ஏன்கள் 

    • ஏன் இடது புறம் ஸ்டீரிங் பிடித்து, சாலையின் வலது புறம் வாகனம் ஓட்டுகிறார்கள் ?
    • ஏன் சாவியின் பற்கள் மேல் நோக்கி இருக்கும்படி பூட்டில் நுழைக்கிறார்கள் ?
    • ஏன் ஒற்றைக் கதவின் கைப்பிடியை இடது புறம் பிடித்து உள்ளே தள்ளும் வண்ணம் அமைத்திருக்கிறார்கள் ?
    • பூட்டைத் திறக்க ஏன் சாவியை கடிகாரச் சுற்றுக்கு எதிர்த்திசையில் திருகுகிறார்கள் ?
    • மூச்சா போகும் அறையை ஏன் ஓய்வறை (Rest Room) என்கிறார்கள் ?
    • வாஷ்பேஸின் கண்ணாடிக்கு மேலே ஏன் வரிசையாக குண்டு குண்டாய் ஐந்து அல்லது ஆறு பல்புகள் மாட்டி வைத்திருக்கிறரர்கள் ?
    • பந்தைக் கையில் எடுத்துக் கொண்டு ஓடும் விளையாட்டை ஏன் கால் பந்து விளையாட்டு (Football game) என்று அழைக்கிறார்கள் ?
    • எல்லா வரிசைகளிலும் புத்தர் போல பொறுமையாய் இருக்கிற இவர்கள் காரில் போகையில் மட்டும் ஏன் காஸ் பெடலில் (ஆக்சலரேட்டரில்) சுடுதண்ணியைக் கொட்டிக் கொண்டது போல் அலை மோதுகிறார்கள் ?
    • ஆஸ்பத்திரியில் ஊசி குத்தும்போது ஏன் நீட்டாமல் கொத்துகிறார்கள் (கோலிகுண்டு டெர்மினாலஜிக்கு மன்னிக்கவும் ! ) ?

    அமெரிக்கா வந்த புதிதில் இது போல் பல கேள்விகள் மனதில் தோன்றின.

    Advertisements
     
    • PPattian 9:07 முப on செப்ரெம்பர் 27, 2007 நிரந்தர பந்தம் | மறுமொழி

      1. ஏன் நன்றாக இருக்கிறேன் என்பதற்கு “I am Good” என்கிறார்கள்

      2. ஏன் வீட்டு சுவர்களை சாதாரண போர்டினால் அமைக்கிறார்கள்

      3. ஏன் அந்நியரை கூட “How do you do?” என்று கேட்கிறார்கள்

      4. ஏன் அதை கேட்டு விட்டு பதிலை எதிர்பார்க்காமல் போய்க்கொண்டே இருக்கிறார்கள்

      5. ஏன் நாய்களை காரின் முன் சீட்டில் உட்கார வைக்கிறார்கள்

      6. ஏன் ஆறு மணிக்கெல்லாம் டின்னர் சாப்பிடுகிறார்கள்

      7. ஏன் Coke இப்படி குடித்து கொண்டே இருக்கிறார்கள்

      8. ஏன் இவ்வளவு Cheese சாப்பிடுகிறார்கள்

      9. ஏன் பெரிய படகுகளை காரில் கட்டி தெருவில் இழுத்து செல்கிறார்கள்

      இன்னும் பல…

    • சத்யராஜ்குமார் 9:14 முப on செப்ரெம்பர் 27, 2007 நிரந்தர பந்தம் | மறுமொழி

      @PPattian: உபரி ஏன்களுக்கு நன்றி.

    • Sathia 9:30 முப on செப்ரெம்பர் 27, 2007 நிரந்தர பந்தம் | மறுமொழி

      இந்தா புடிங்க

      1. ஏன் இப்படி இன்னும் மைல், பவுண்ட், காலன் என்று அரதப்பழசாக இருக்கிறார்கள்.
      2. ஏன் இன்னும் பேஜரை கட்டிக்கொண்டு அலைகிறார்கள்
      3. ஏன் இன்னும் அரதப்பழைய VHSஐ வைத்துக்கொண்டு காலத்தை ஓட்டுகிறார்கள்
      4. ஏன் யார்ட் சேல்ல(yard sale) பழைய துணி வாங்கறாங்க, விக்கறாங்க. மத்ததெல்லாம் சரி துணி..????
      5. ஏன் பச்சை குத்திக்கறத ஏதோ வேண்டுதல் மாதிரி உடம்பு பூரா குத்திக்கறாங்க
      6. ஏதோ நாய கூட்டிட்டு போறா மாதிரி குழந்தைகளை கயித்தல கட்டி கூட்டிட்டு போறாங்க( சந்தேகமா இருந்தா இங்க இல்லை இங்க பாருங்க
      7.ஏன் இப்படி இத்தாலி உணவுன்னா பேயா அலையறாங்க..
      ஏன்..ஏன.. ஏன்…
      8. ஏன் ஆபிஸுக்கு பிச்சைகாரன் மாதிரி ஆடை உடுத்திகிட்டு கோல்ப் விளையாட,டென்னிஸ் விளையாட அழகாக ஆடை உடுத்திக்கிறாங்க

      விளையாட்டா இல்லாம கொஞ்சம் ஆழமா பாத்தா இவங்க பண்ற நிறைய சங்கதி, ஐரோப்பியருக்கு எதிரா ஏட்டிக்கு போட்டியா ஆரம்பிச்சது. இன்னும் கேட்டால் இந்த எதிர் எதிர் மாற்றங்களினால இன்னைக்கு நிறைய துறைகள் காலத்தை ஓட்டிக்கிட்டு இருக்கு.

    • சத்யராஜ்குமார் 9:36 முப on செப்ரெம்பர் 27, 2007 நிரந்தர பந்தம் | மறுமொழி

      @Sathia: உங்கள் பங்களிப்புக்கு நன்றி.

    • pedharayudu 10:13 முப on செப்ரெம்பர் 29, 2007 நிரந்தர பந்தம் | மறுமொழி

      //பந்தைக் கையில் எடுத்துக் கொண்டு ஓடும் விளையாட்டை ஏன் கால் பந்து விளையாட்டு (Football game) என்று அழைக்கிறார்கள் ? //

      Football என்று ஏன் அழைக்கிறார்கள்னா அந்த பந்தின்(?) நீளம் ஒரு அடி (one foot) அதனால்தான்.

      //மூச்சா போகும் அறையை ஏன் ஓய்வறை (Rest Room) என்கிறார்கள் ?//

      கக்கா போற எடத்துல ஸ்டாண்ட் போட்டு செய்தித்தாள்கள் தொங்குவத நிறைய தடவ பாத்திருப்பீங்களே? நிறைய ஓபி அடிக்கிற ஆளுங்க அங்கயே உக்காந்து இருக்கறதனாலதான் restroomனு சொல்றாங்களோ என்னவோ?

      //வாஷ்பேஸின் கண்ணாடிக்கு மேலே ஏன் வரிசையாக குண்டு குண்டாய் ஐந்து அல்லது ஆறு பல்புகள் மாட்டி வைத்திருக்கிறரர்கள் ? //

      ஒரு குண்டு பல்பு ப்யூஸ் போனாலும் ஆத்திர அவசரத்துக்கு சிரமப்பட வேண்டியதில்ல பாருங்க. இது சொந்த அனுபவம். ஹி..ஹி..

      //ஏன் ஒற்றைக் கதவின் கைப்பிடியை இடது புறம் பிடித்து உள்ளே தள்ளும் வண்ணம் அமைத்திருக்கிறார்கள் ? //

      அபார்ட்மெண்டுகளில் பாதுகாப்பு மற்றும் அடுத்த வீட்டுக்காரருக்கு தொந்தரவு இல்லாம இருக்கறதுக்காகவோ?
      ஆனா பொதுமக்கள் வரும் இடங்களில் பாத்தீங்கன்னா கதவுகள் வெளிப்பக்கம் திறக்கும்படி அமைக்கப்பட்டிருக்கும். ஏன்னா, ஆபத்தான தருணங்களில் தீயணைப்புப் படையினர் இலகுவாக திறப்பதற்க்கும், கூட்டமாக வெளியேறும் மக்கள் சிரமமின்றி செல்வதற்கும்தான்.

    • சத்யராஜ்குமார் 5:07 முப on செப்ரெம்பர் 30, 2007 நிரந்தர பந்தம் | மறுமொழி

      @pedharayudu: Foot Ball-க்கான விளக்கம் நன்று.

  • சித்ரன் ரகுநாத் 6:40 am on September 26, 2007 நிரந்தர பந்தம் | மறுமொழி  

    விதிகளை மீறுங்கள் 

    1. இங்கு எச்சில் துப்புங்கள்
    2. இங்கு சிறுநீர் கழித்தால் தண்டிக்கப்படமாட்டீர்கள்.
    3. தயவு செய்து பூக்களைப் பறியுங்கள்.
    4. இங்கு புகை பிடிக்காவிட்டால் தகுந்த நடவடிக்கை எடுக்கப்படும்.
    5. சிரம், கரம் புறம் நீட்டுங்கள்.
    6. படிக்கட்டில் நின்று பயணம் செய்யுங்கள்.
    7. இங்கு ஹார்ன் உபயோகிப்பதை தவிர்க்கவேண்டாம்.
    8. பள்ளிக்குழந்தைகள் கடக்குமிடம். வாகனங்கள் மெதுவாக செல்லவேண்டாம்.
    9. மருத்துவமனை. தயவு செய்து சப்தம் செய்யுங்கள்.
    10. உங்கள் பகுதியை சுத்தமாக வைத்திருக்க உதவாதீர்கள்.
    11. முன்சீட்டில் காலை நீட்டுங்கள்.
    12. கோவில் வளாகம். இங்கு செல்ஃபோன் உபயோகியுங்கள்.
    13. சுவரில் விளம்பரம் செய்யுங்கள்.
    14. 10 மீட்டர் இடைவெளி விட்டுத் தொடராதீர்கள்.
    15. தயவு செய்து வரிசையில் வராதீர்கள்.
    16. குடிபோதையில் வாகனம் ஓட்டுங்கள்.
    17. இந்த கேட்டின் முன் வாகனத்தை நிறுத்தலாம்.
    18. இது பொது வழி அல்ல. அத்துமீறி நுழைபவர்கள் மேல் நடவடிக்கை எடுக்கப்பட மாட்டாது.
    19. குழாயை சரியாக மூடாதீர்கள்.
    20. நிற்காதே. கவனிக்காதே. அப்படியே செல்.

    “Break the rules” பரம்பரையில் வந்தவர்கள் நாங்கள்.

     
    • PPattian 10:12 முப on செப்ரெம்பர் 26, 2007 நிரந்தர பந்தம் | மறுமொழி

      இங்கு பின்னூட்டம் இடாதீர்கள்…

      :))))))))

    • சித்ரன் 12:05 பிப on செப்ரெம்பர் 26, 2007 நிரந்தர பந்தம் | மறுமொழி

      நன்றி PPattian!
      ‘இங்கு குப்பை கொட்டாதீர்கள்’ என்று அறிவிப்பு வைத்திருந்த இடத்திலேயே ஒரு ஆள் குப்பை கொட்டிக்கொண்டிருந்ததை இன்று காலை காண நேர்ந்ததால் உதித்த பதிவு இது.

    • vizhiyan 10:45 பிப on செப்ரெம்பர் 26, 2007 நிரந்தர பந்தம் | மறுமொழி

      🙂

    • kalyanakamala 7:29 முப on செப்ரெம்பர் 27, 2007 நிரந்தர பந்தம் | மறுமொழி

      கொஞ்சம் அதிகம் இதப்பற்றி பேசினீங்க போரட்டம் வேலை நிறுத்தம் எல்லாம் செய்ய ஏற்பாடு செய்து அறிக்கை விட்டுருவோம்!ஜாக்கிரதை!

    • vasu 6:39 முப on ஒக்ரோபர் 1, 2007 நிரந்தர பந்தம் | மறுமொழி

      படிக்கும் பிள்ளைகளே பாடங்களைப் படிக்காதீர்கள் ,டீவீ பாருங்கள் ,சினிமாதான் வாழ்க்கை அதை அப்படியே பின் பற்றுங்கள்

      எதையும் நேரத்தில செய்யாதீர்கள் எந்த வேலையானாலும் ஒத்திப்போடுங்கள்

      பெற்றோரகளே எந்தக் குழந்தையையும் கண்டித்து வளர்க்காதீர்கள் அவர்கள் எக்கேடு கெட்டுப் போகட்டும்

      சாலையில் யாராவது அடிபட்டுக்கிடந்தா கண்டுக்காதீங்க்க நாளைக்கு நாம அடிபட்டுக்கிட ந்தா அப்ப பாத்துக்கலாம்

  • சத்யராஜ்குமார் 1:21 pm on September 25, 2007 நிரந்தர பந்தம் | மறுமொழி  

    கலாம் + கனவு 

    அன்புள்ள தனபால்,

    உங்களை அவ்வப்போது செய்திகளில் பார்க்க மிகவும் மகிழ்ச்சியாக இருக்கிறது. நாம் இருவரும் இணைந்து பணி புரிந்த நாட்களில் உங்கள் கனவுகளை விலாவாரியாக என்னுடன் பகிர்ந்து கொண்டிருக்கிறீர்கள். அவைகளை வெறும் கனவாகவே கலைத்து விடாமல் செயலாக்கி வருவதற்குப் பாராட்டுக்கள். உங்களை இன்னும் சற்று அண்ணாந்து பார்க்கும் நாளை ஆவலுடன் எதிர்பார்க்கிறேன்.

    அன்புடன்,
    சத்யராஜ்குமார்.

     
c
Compose new post
j
Next post/Next comment
k
Previous post/Previous comment
r
மறுமொழி
e
தொகு
o
Show/Hide comments
t
Go to top
l
Go to login
h
Show/Hide help
shift + esc
நிராகரி