Updates from நவம்பர், 2007 Toggle Comment Threads | விசைப்பலகை சுருக்கவிசைகள்

  • சத்யராஜ்குமார் 7:30 am on November 5, 2007 நிரந்தர பந்தம் | மறுமொழி  

    சாமீய்! – குமுதம் சிறுகதை 

    1998 வாக்கில் நண்பர்களுடன் மாமல்லபுரம் போய் விட்டுத் திரும்பிக் கொண்டிருந்தேன். பஸ்ஸில் நல்ல கூட்டம். பின்புறம் நானும் சில நண்பர்களும் நின்று கொண்டிருக்க, இன்னும் சில நண்பர்கள் முன்புறம் தொற்றியிருந்தனர்.

    பாதி வழியில் முன்புறமிருந்த நண்பர்கள் இருக்கையிலிருந்த ஒரு நபரைக் காட்டி, ‘ அவர் உங்களோட பேசணுமாம். ‘ என்கிற மாதிரி என்னைப் பார்த்து சைகை செய்தார்கள். முன் பின் தெரியாத அவரைப் பார்த்து நான் நெற்றியைச் சுருக்கி யோசித்துக் கொண்டிருக்க, அவர் கையிலிருந்த புத்தம் புதிய குமுதத்தை அசைத்துக் காட்டி, ‘ சூப்பர். ‘ என்கிற மாதிரி அபிநயித்தார்.

    எனக்குக் கொஞ்சம் விளங்கியது. அவர் படிக்கிறபோது நண்பர்கள், ‘ அட தலைவர்(?!) கதை வந்திருக்கு போலிருக்கு. ‘ என்று பேசிக் கொள்ள, ‘ சத்யராஜ்குமார் இந்த பஸ்சிலா இருக்கார்? ‘ என்று கேட்டு, என்னைப் பார்த்துக் கையசைத்து சுடச்சுட கருத்துத் தெரிவித்தார்.

    அடுத்த பஸ் ஸ்டாப்பில் இறங்கி ஓடி வந்து, ‘ கதைக்குப் பக்கத்தில் ஒரு கையெழுத்துப் போட்டுக் குடுங்க சார். ‘  என்று கேட்டு வாங்கிக் கொண்டு,  பஸ் கிளம்புவதற்குள் மறுபடி தொற்றிக் கொண்டார்.

    கூட்டம் பிதுங்கி வழிகிற அந்தப் பயண அவசரத்தில் அவர் பெயரைக் கூட கேட்க முடியவில்லை. அவர் முகமும் இப்போது நினைவில்லை. என்னையும் அவர் இந்நேரம் மறந்திருப்பார்.  இந்தக் கதையைப் பார்க்கிறபோதெல்லாம் அந்த நினைவுகள் மட்டும் அழியாமல் அப்படியே இருக்கிறது.

    குமுதத்துக்காகவென்றே அளவெடுத்துத் தைத்த சாமீய்! என்ற அந்தக் கதை இங்கே.

    Advertisements
     
  • சத்யராஜ்குமார் 7:02 am on November 2, 2007 நிரந்தர பந்தம் | மறுமொழி  

    தீ 

    தீ எச்சரிக்கை காதை அடைக்கும் டெசிபலில் வீறிட ஆரம்பித்தது. தளம் எங்கும் அபாய விளக்குகள் மின்னி மின்னி கண்களை வெட்டின. ஆபத்து காலத்தில் லிஃப்ட்கள் இயங்கா என்பதால் அலுவலகத்தின் ஐந்து மாடிகளையும் படிகளில் கடந்து வீதிக்கு வந்தோம்.

    Saraswathi Temple - Delawar

    Fire Alarm சப்தம் எங்களுக்குப் புதிதல்ல. சரியாக இயங்குகிறதா என்று அவ்வப்போது சோதனை நடக்கும். சோதனைக்கு முன்பு மூன்று முறை மைக்கில் ஒரு கட்டைக்குரல் “இது சோதனைதான். நீங்கள்பாட்டுக்கு உங்கள் வேலையைப் பாருங்கள். ” என்று அறிவிக்கும். இந்த முறை அந்த மாதிரி அறிவிப்பு ஏதுமில்லை. இது நிஜ எச்சரிக்கைதான்.

    ஆயிரக்கணக்கில் மனிதத்தலைகள் கட்டிடத்துக்கு வெளியே பத்திரமாக வந்து குவிந்தன. ஐந்து நிமிஷங்களில் வீர் வீரென அலறிக் கொண்டு இரண்டு தீயணைப்பு வண்டிகள் வந்து சேர்ந்தன.

    சில மாதங்களுக்கு முன்பு டெலவர் மஹாலக்ஷ்மி கோயிலுக்குப் போயிருந்தபோதும் இப்படித்தான் நாலைந்து தீயணைப்பு வண்டிகள் நின்றிருக்க, வீரர்கள் பரபரப்பாக இயங்கிக் கொண்டிருந்தார்கள். யாகம் நடந்து கொண்டிருந்தபோது ஏதோ கருகிய வாசம் புறப்பட்டதால் யாரோ 911-க்கு அழைப்பு விட, இப்போது ஜனங்கள் தேமே என்று கோபுரத்தைப் பார்த்துக் கொண்டு வெளியே காத்திருந்தார்கள். கூரையோடு உரசிய மின்விளக்கு ஒன்று கருகியதால் உண்டான வாசனைதான் என்று கண்டு பிடிக்க இரண்டு மணி நேரங்கள் ஆனது. அதன்பின் மின் பொறியாளர் வந்து அனுமதியளித்த பின் மீண்டும் யாகம் தொடர்ந்தது.

    இன்று அவ்வளவு நேரம் பிடிக்கவில்லை. ஆபத்து எதுவுமில்லை என அறிவித்து மீண்டும் வேலை பார்க்க ஆரம்பித்தோம். எதனால் இந்த அலாரம் ? விசாரிக்க நேரமில்லை.

    UPDATE (03 Nov 2007): ‘தம்’ ப்ரேக்கிற்கு வெளியே வந்த நம்மவர் ஒருவர் போன் பேசிக் கொண்டே ஏதோ நினைவில் கதவருகே இருந்த அபாயச் சங்கிலியை இழுத்து விட்டதில் மொத்த ஆபிஸும் காலியாகி விட்டது.

     
  • சத்யராஜ்குமார் 9:07 am on November 1, 2007 நிரந்தர பந்தம் | மறுமொழி  

    பண்டிகை 

    சரஸ்வதி பூஜை முடித்த களைப்பு இன்னும் தீரவில்லை. அகில் பால விகாஸில் மைக் பிடித்து நிகழ்ச்சி நிரல் பேசினான். அதற்குள் ஹாலோவீன் வந்து விட்டது.

    போன வாரம் நந்தா பூசணிக்காய்களும், கார்விங் உபகரணங்களும் வாங்கி வைத்திருந்தார். இரண்டு மணி நேரங்கள் செதுக்கியதில் நிறைய பூசணிக்காய் உருவங்கள் உருவாகின.

    முந்தாநாள் வால்மார்ட் போய் உடை வாங்கினதில் நேற்று அகில் ஸ்பைடர் மேன் ஆனான். Costco-வில் ஒரு மூட்டை சாக்லேட் வாங்கச் சொல்லி ஆணையிட்டான். Knock the Door. We have Candies என்று எழுதி ஜகன் மோகினி வடிவத்தில் அட்டையைக் கத்தரித்து கதவில் அவன் தொங்க விட்டதால், ராத்திரி பத்து மணி வரைக்கும் குட்டிப் பிசாசுகள் வந்து Hersheys பிரசாதம் வாங்கிச் சென்றபடி இருந்தன.

    அப்பாடா என்று ஆசுவாசமடைய முயன்றால் காலண்டரில் தீபாவளி வந்து கொண்டிருக்கிறது.

     
c
Compose new post
j
Next post/Next comment
k
Previous post/Previous comment
r
மறுமொழி
e
தொகு
o
Show/Hide comments
t
Go to top
l
Go to login
h
Show/Hide help
shift + esc
நிராகரி