NJ சந்திப்பு


எழுத்தாளராக முயன்று வந்த போது, இலக்கிய கூட்டங்களுக்கெல்லாம் செல்லும் பழக்கமில்லாமல் சில நுட்பங்கள் அறியாமல் போனேன். தற்சமயம் வலைப்பதிவராகும் முயற்சியில் மேற்படி தவறு நடந்து விடக்கூடாதென நாலு மணி நேரம் பயணித்து NJ சென்று வந்தேன்.

அறிந்த பெயர்கள். அறியாத முகங்கள். மசாலா உணவகத்தில் நடந்த மசாலா சந்திப்பு. Buffet ஸ்டைலில் எல்லா டாபிக்கையும் தொட்டுச் சென்று கொண்டிருந்தார்கள். ஒரு சிலது சற்று காரசாரமாக இருந்தாலும், பொதுவாக எல்லா அயிட்டங்களும் சுவையாக இருந்தன. 

வாசகர்கள், வலைப்பதிவர்கள் என்ற இரண்டு லேபிள்களில் அங்கே நபர்கள் இருந்தார்கள். சந்தித்தவர்கள் பற்றியும், பேசியது பற்றியும் விளக்கமாக வேறு சில இடங்களில் காணக்கூடும். 

எழுத்தாளர்கள் சந்தித்துக் கொண்டால் வாசகர்கள் குறித்து என்ன பேசிக் கொள்வார்கள் என்று தெரியும். வாசகர்கள் சந்தித்துக் கொண்டால் எழுத்தாளர்கள் குறித்து என்னவெல்லாம் பேசுவார்கள் என அன்று அறிந்தேன்.

வளரும் எழுத்தாளர்கள் மற்றும் வலைப்பதிவர்களுக்கு உபயோகமானவை. அதைப் பற்றி இங்கே எழுதப் போவதில்லை. அப்போதுதான் அடுத்த சந்திப்புக்கு இன்னும் கொஞ்சம் கூட்டம் கூடும் !

Advertisements