Tagged: steve jobs Toggle Comment Threads | விசைப்பலகை சுருக்கவிசைகள்

  • சத்யராஜ்குமார் 6:29 pm on July 25, 2011 நிரந்தர பந்தம் | மறுமொழி
    Tags: , ஆப்பிள், ஐபேட், , ஜாப்ஸ், மேக், iPad, , Mac, steve jobs   

    சிங்கம்டா ! 

    சென்ற வாரம் தமிழோவியத்தில் வெளியான கட்டுரை
    ஒரு காதலியைப் போல வாஞ்சையாய்த் தடவுவதும், ஆசையாய்க் கிள்ளுவதும், செல்லமாய் ஒரு தட்டு தட்டுவதும் ஐபோனில் ஆரம்பித்தது. முத்தம் கொடுப்பதும், கண்ணடிப்பதும்தான் பாக்கி.

    தடவினால் திரை நகரும். கிள்ளினால் படம் சிறிதாகும். ஐகானைத் தட்டினால் அப்ளிகேஷன் உயிர் பெறும்.

    ஆப்பிள் அறிமுகப்படுத்திய Gesture UI என்ற புரட்சி, தொடு திரை செல்போன்களின் புதிய யுகம் ஒன்றை ஆரம்பித்து வைத்தது. அது காறும் இருந்த விண்டோஸ் தொடுதிரை போன்களும், ஸ்டைலஸ் கொண்டு மாரடித்து வந்த இன்ன பிற PDA-க்களும் இருந்த இடம் காணாமல் தொலைந்தன. கையசைத்து நடத்தும் சைகை பரிபாஷைகள் போன்களுக்குப் புரிய ஆரம்பித்தன.

    பெரிய எழுத்து சித்ர புத்ர நாயனார் கதை படித்து வந்த பாட்டிகள் கூட ஐபோன் பிரவுசரில் கையைத் தடவி எழுத்துருவைப் பெரிதாக்கி இண்ட்டர்னெட் மேய ஆரம்பித்தார்கள்….

    தொடர்ந்து படிக்க…

     
  • சத்யராஜ்குமார் 7:42 am on July 14, 2008 நிரந்தர பந்தம் | மறுமொழி
    Tags: , iPAQ, , smart phone, steve jobs   

    3G 

    ரஜினி படத்துக்குப் பிறகு இப்போது iPhone 3g-க்காக மால் ஏசியின் கடுங்குளிரில் இரண்டரை மணி நேரம் நின்றிருந்தேன்.

    முதல் தலைமுறை iPhone-ன் விலை பிடிக்கவில்லை. தமிழ்மணம் கட்டம் கட்டமாய் தெரிவது பிடிக்கவில்லை. T-Mobile ஒப்பந்தச் சிறைக்கு $200 கட்டி ஜாமீனில் வெளிவரும் அளவுக்கு Patio-ல் டாலர் செடிகள் பூக்கவில்லை.

    இந்த முறை ஒப்பந்தம் முடிந்து விட்டது. வைத்திருக்கும் iPAQ ஓடாய் உழைத்து விட்டது. ஸ்டீவ் ஜாப்ஸ் நிர்ணயித்த விலையும் தேவலாம். AT&T-ன் புதிய சிறைக்குள் புகுந்தாயிற்று.

    தமிழ்மணத்தை உடைந்த தமிழில் படிக்க முடிகிறது. 3G போட்டால் பேட்டரி சக்தி சூரியனைக் கண்ட பனி போல் ஜகா வாங்கி விடுகிறது. உலாவி ஒன்றைத் தவிர வேறெதுவும் மற்ற ஸ்மார்ட் போன்களில் இருக்கும் வசதிகளை நெருங்க முடியாது.

    முக்கியமாய் நான் வைத்திருந்த iPAQ. அது தரும் கட்டற்ற சுதந்திரம். ஆசை யாரை விட்டது. ஒரு கவர்ச்சி நடிகையின் வலையில் விழுந்தாயிற்று.

    மூலையில் கிடக்கும் iPAQ -ஐ வைத்து இனி ஒரு இலக்கிய சிறுகதை எழுதலாம்.

     
c
Compose new post
j
Next post/Next comment
k
Previous post/Previous comment
r
மறுமொழி
e
தொகு
o
Show/Hide comments
t
Go to top
l
Go to login
h
Show/Hide help
shift + esc
நிராகரி