ஏ. ஆர். ரஹ்மான்
இந்தியாவிலிருந்து நேற்று இறக்குமதியானது ‘ஜெய் ஹோ’ புத்தகம். எழுத்தாளர் சொக்கன் பரிசாகக் கொடுத்தது. பஸ்ஸிலும், ரயிலிலும், பஸ் ஸ்டாப்பிலுமாக இரண்டே நாளில் படித்து முடித்து விட்டேன்.
பொதுவாக ரயில் டனலுக்குள் போனதும், செல்போனில் இன்டர்நெட் துண்டிக்கப்பட்ட நிலையில்தான் புத்தகம் படிக்க ஆரம்பிப்பேன். சொக்கனின் எளிமையான எழுத்து நடையில் வழுக்கி விழுந்து எப்போது டனலை விட்டு ரயில் வெளியே வந்தது என்பது கூடத் தெரியாமல் தொடர்ந்து படித்துக் கொண்டே இருந்தேன்.
அ-புதினத்தில் ப்ளாஷ் பேக் உத்தியை நுழைத்தது சொக்கனின் சாமர்த்தியம். ஆஸ்கர் மேடையில் ஆரம்பித்த அத்தியாயம் அலுங்காமல் ரஹ்மானின் சின்ன வயதுக்குப் போய், மெதுவாய் அவர் வாலிபத்துக்கு வந்து மறுபடி ஆஸ்கார் மேடையில் முடியும் போதுதான் – அட இங்கேதானே ஆரம்பித்தார் என்று நினைவுக்கு வருகிறது.
ரஹ்மானின் பாடல் வரிகளைக் கொண்டே வைத்த அத்தியாயங்களின் தலைப்புகள் ரசிக்கும்படி இருந்தன. ஒவ்வொரு அத்தியாயத்தையும் படித்து முடித்ததும், அத்தியாயத்தின் தலைப்பு என்ன என்று மறுபடி ஒரு முறை பக்கங்களை புரட்டிப் பார்க்க வைத்தன என்பது மட்டுமல்ல; சேப்டரை படித்து முடிக்கும் வரை தலைப்பாக வைக்கப்பட்ட அந்தப் பாடல் ஐ பாட் இல்லாமலே காதில் ஒலித்துக் கொண்டு இருந்தது.
வாராந்திரிகளில் ரஹ்மான் பற்றி அவ்வப்போது படித்த சில தகவல்களை புத்தகத்தில் இருக்கும் தகவல்களோடு ஒப்பிட்டுப் பார்ப்பது நல்ல அனுபவம். ரஹ்மானை மணிரத்னத்திடம் அறிமுகப்படுத்தியது சுகாசினி என்றுதான் பத்திரிகைகளில் படித்திருக்கிறேன். இப்புத்தகம் சொல்லும் தகவல் வேறு.
ரஹ்மான் இளமைக்காலங்களில் இரவெல்லாம் ஸ்டுடியோக்களில் வேலை செய்து விட்டு அப்படியே நேராக பள்ளிக் கூடம் போய் விடுவார் என்பன போன்ற சிம்பதி அயிட்டம் முதல், ரோஜா பாடல் பதிவுக்கு வாசிக்க வாத்தியக்காரர்கள் வராத நிலையில் அம்மாவின் ஆணையை நிறைவேற்றிய மனோகரா டச் வரை சரியான விஷயங்களை சரியான இடத்தில் நுழைத்து புத்தகத்துக்கு நாவல் தன்மையை வரவழைப்பதில் கில்லாடியாய் இருக்கிறார் சொக்கன்,
கேசட் கவரில் அத்தனை இசைக் கலைஞர்களின் பெயரையும் போட்டு கவுரவிக்கும் பழக்கத்தை ஆரம்பித்து வைத்த ரஹ்மான் போலவே, புத்தகத்தின் கடைசியில் புத்தகத்துக்கான தகவல் கொடுத்து உதவிய நண்பர்கள், இணைய தளங்கள் எல்லாவற்றையும் தொகுத்து அளித்திருப்பது நல்ல முன் மாதிரி.
நன்கு புகழ் பெற்று விட்ட நிலையிலும் நஸ்ரத் பதே அலிகானிடம் ரஹ்மான் கவ்வாலி கற்றுக் கொண்டார் போன்ற விஷயங்கள் வெற்றியாளர்களின் ரகசியம் என்ன என்பதை பிட்டுப் பிட்டு வைக்கிறது. இது போன்ற பயக்ரபி புத்தகங்களில் ஒருவரின் வாழ்க்கையை சொல்வதைக் காட்டிலும், அவரின் வாழ்க்கையிலிருந்து மற்றவர்களுக்கான பாடத்தை அடிக்கோடிட்டுச் சொல்வதின் அவசியத்தை உணர்ந்து அதை பிசகில்லாமல் செய்திருக்கிறார் சொக்கன்.
என்றோ மறைந்த தேசிய தலைவர்களின் வாழ்க்கைக் குறிப்பை வறண்ட வார்த்தைகளில் பாடப்புத்தகங்களில் மட்டுமே வாசித்துப் பழகிய நமக்கெல்லாம் – கிழக்கு என்ற பதிப்பகமும், சொக்கன் போன்ற எழுத்தாளரும் இல்லையெனில் சம கால சாதனையாளர்களின் வாழ்க்கைக் கதைகளை ஜீவனுள்ள நடையில் படிக்கும் பாக்கியம் கிடைக்காமலே போயிருக்கும்.
ரயிலில் பக்கத்தில் அமர்ந்திருந்த தமிழ்ப் பெண், புத்தகத்தின் அட்டைப்படத்தில் ரஹ்மான் படத்தைப் பார்த்து விட்டு, “எக்ஸ்க்யூஸ் மீ. இந்தப் புத்தகம் எங்கே வாங்கினீங்க? ” என்றார்.
“அமேசான் வெப்சைட்ல!” என்று புரை தீர்த்த நன்மை பயத்தேன்.
UPDATE (1/7/2014): இந்தப் புத்தகம் இப்போது PDF வடிவில் இலவசமாக இங்கே கிடைக்கிறது.
அலெக்ஸ் 9:16 முப on மே 14, 2010 நிரந்தர பந்தம் |
தலைவரின் Autobiography கூடிய சீக்கிரத்தில் வருப்போகிறது.
சத்யராஜ்குமார் 12:07 பிப on மே 16, 2010 நிரந்தர பந்தம் |
தகவலுக்கு நன்றி அலெக்ஸ்.
”ஜெய் ஹோ!: ஏ. ஆர். ரஹ்மான்” நூல் விமர்சனம் « மனம் போன போக்கில் 9:19 முப on மே 14, 2010 நிரந்தர பந்தம் |
[…] இந்த விமர்சனத்தை முழுவதும் படிக்க: https://inru.wordpress.com/2010/05/14/rahmaan/ […]
என். சொக்கன் 9:23 முப on மே 14, 2010 நிரந்தர பந்தம் |
சுவையான அறிமுகம் + விமர்சனத்துக்கு நன்றி சத்யராஜ்குமார் 🙂
– என். சொக்கன்,
பெங்களூரு.
சத்யராஜ்குமார் 12:10 பிப on மே 16, 2010 நிரந்தர பந்தம் |
I enjoyed reading the book chokkan!
REKHA RAGHAVAN 9:43 முப on மே 14, 2010 நிரந்தர பந்தம் |
ஏ.ஆர். ரஹ்மான் பற்றிய சொக்கனின் புத்தகத்தை படித்து அதன் அருமை பற்றி தங்களின் எழுத்து நடையில் வாசிக்க வாசிக்க உடன் அந்த புத்தகத்தை படித்து விட வேண்டும் என்ற என்னத்தை ஏற்படுத்தியது தங்களின் பதிவு.
ரேகா ராகவன்
(சிகாகோவிலிருந்து)
சத்யராஜ்குமார் 12:11 பிப on மே 16, 2010 நிரந்தர பந்தம் |
நன்றி ரேகா ராகவன்!
இலவசக்கொத்தனார் 1:41 பிப on மே 14, 2010 நிரந்தர பந்தம் |
அவரு விமர்சனம் செஞ்சா ஒரு டிஸ்கி போடுவாரே. அதை நீங்க போடறது இல்லையா?
ஒரு சாம்பிள் பாருங்க! 🙂
Disclosure of Material Connection: I received this book free from Thomas Nelson Publishers as part of their BookSneeze.com book review bloggers program. I was not required to write a positive review. The opinions I have expressed are my own. I am disclosing this in accordance with the Federal Trade Commission’s 16 CFR, Part 255 : “Guides Concerning the Use of Endorsements and Testimonials in Advertising.”
என். சொக்கன் 10:20 பிப on மே 14, 2010 நிரந்தர பந்தம் |
அதான் முதல் வரியிலயே சொல்லியிருக்காரே ஒய் 😉
பை தி வே, இது நான் அவருக்கு லிமெரிக் போட்டியில கலந்துகிட்டதுக்காகப் பரிசாகக் கொடுத்த புத்தகம். இதற்கும் கிழக்கு பதிப்பகத்துக்கும் சம்பந்தம் எதுவும் இல்லை, புத்தகம் அனுப்பினபோது விமர்சனம் எழுதணும்ன்னு எந்தக் கட்டாயமும் வைக்கலை, அவரா விரும்பிதான் எழுதியிருக்கார். அஷ்டே.
சத்யராஜ்குமார் 12:20 பிப on மே 16, 2010 நிரந்தர பந்தம் |
இலவசக்கொத்தனார், இதை முழுக்க முழுக்க விமர்சனம்ன்னு சொல்ல முடியாது. ஒரு வாசிப்பனுபவம்தான்! (இந்த டிஸ்கி சிம்பிளா இருக்கா?)
ஆயில்யன் 2:18 பிப on மே 14, 2010 நிரந்தர பந்தம் |
புத்தக விமர்சனம் தேர்ந்தெடுத்த பகுதிகளாக, ரொம்ப எளிமையாக, அழகா வந்திருக்கிறது 🙂
@ இலவசகொத்தனார் கமெண்ட் LOL:)))))))
சத்யராஜ்குமார் 12:25 பிப on மே 16, 2010 நிரந்தர பந்தம் |
நன்றி ஆயில்யன்.
ஜெகதீஸ்வரன் 12:01 பிப on மே 15, 2010 நிரந்தர பந்தம் |
சொக்கன் 🙂
ரகுராம் 11:26 பிப on மே 17, 2010 நிரந்தர பந்தம் |
புத்தகத்தை படிக்கணும், படிக்கணும்னு இழுத்துண்டே இருந்தேன். இனி உடனே படிக்கிறேன் 🙂
v.sundaravadivelu 7:05 முப on மே 29, 2010 நிரந்தர பந்தம் |
your review about chokkan and his book is really a feather touch feeling..
சத்யராஜ்குமார் 5:17 பிப on ஜூன் 1, 2010 நிரந்தர பந்தம் |
Thanks sundaravadivelu!
sidharth275 3:50 முப on ஜூலை 12, 2010 நிரந்தர பந்தம் |
lucid and crisp commentary . inspiring to read the book, like new york times review
சத்யராஜ்குமார் 5:46 முப on ஜூலை 12, 2010 நிரந்தர பந்தம் |
Thanks for the comment.
ranjith 10:46 முப on பிப்ரவரி 19, 2012 நிரந்தர பந்தம் |
thank you sir very much,becoz of ur book,i really feel very proud